زجليات أمير الحب

موضوع: زجليات أمير الحب السبت مارس 12, 2011 9:27 pm

زجليات أمير الحب

حاجي تعملي حالك عنكبوت
وبالهوى تبنيلي بيوت
يادق باب على بيتنا وفوت
ياشيل عنك ورقة هالتوت
اذا كنت مفكر حالك قيصر
وبالغابة أنت حيدر
ترى أنا الملكة عشتاروت
ولاتفكر اذا أنت غبت عني
رح تطردني من هالجني
أنا بالفلا رني وبالحر حوت
وحاجي تقلي كاني وماني
ومن حبك عم عاني
ياحط الحلق بداني ياطق وموت
=================
من النبعة جاي الكحلة
عم تتدرج عامهلا
غمزتني بعينا الشهلا
وقالتلي أهلا وسهلا
والله لروح لأهلا
وأعمل عندن سهريي
================
هلي ياكروم الدوالي عنابيك
ويا قلبي هدي ماضل عنابيك
وياحلوة اذا أنت عندك باشا
ترى في عنا بيك
والبيك والباشا أطيب أصحاب
===============
مر علينا يازين كل يوم بالله تمر بهوادة
ترى إن مامريت يوم أخاف تاخدها عادة
وتنسى دربنا وليل سهرنا وسكرنا الزيادة
وضحكات نجوم الصبح تناظرنا بأول ريادة
مر علينا يازين كل يوم بالله تمر بهوادة
ترى شوفة حبيب للحبيب بشرع الله عبادة
ولو مامريت وكبرت براسك هالمرة عنادة
تذكر ملهوف بس عاشوفتك أنفطر فؤادة
======================
بسلامة راسك يالغالي =يابدر ساكن بالعالي
بنورك شايف حالي = وبحبك يازين أفعالي
بحب شوفك دوم قبالي = دايم دوم عم تلالي
سمعت الآه من جواتك = لما حكيتك بالليالي
حسيت بألمك وآهاتك = ومنها تغيرت حوالي
وبلحظة ماكون متهني = تمنيتك تكون بدالي
يارب تموت كل الناس = ولاتصيح الآه تالي
========================

» مسابقة أمير شعراء المنتدى
» الحب على الانترنت ... كلمه مزيفه